Vostre beaulté
chanson 13
Vostre beaulté, (vostre beaulté, vostre beaulté,vostre
beaulté), gente et jolIye,
A mis mon cueur en si grand desespoir,
Que nuit ne Jour je ne puis reposer,
Tant suis de vous et tant suis de vous,
Tant suis de vous en grant melencollie.
L’amour de vous me tient en desconfort,
Et si ne puis l’avoir aulcunement,
J’airoy plus chier à desservir la mort
Que de vivre en ce point longuement.
Si me mectez un terme, je vous prie,
Secretement que puisse à vous parler:
Se vous et moy ne pouvons accorder,
Las! je voy bien qu’il est faict de ma vve.
Il a longtemps que de vous j’ay envye
Plus que de femme en ce monde vivant,
Jamaiz homme ne vous ayma autant:
Maiz j’ay grand peur que plaide sans partie.
Or voy je bien que c’est à moy follye
D’estre amoureux et de m’en tourmenter.
Doresnavant il m’en fault deporter.
Adieu vous di,ma tres loyalle amye.