Hélas, mon cueur n'est pas à moy,
Il est à vous, ma doulce amye;
Mais d'une chose je vous prie:
C'est vostre amour, gardez le moy
C'est vostre amour, gardez le moy
Bien heureux seroye sur ma foy,
Se vous tenoys en ma chambrette
Dessus mon lict ou ma couchette,
Plus heureus seroys que le roy
Plus heureus seroys que le roy
Faulx envyeux parlent de moy
Disant: de deulx j'en aymes une.
De cest une j'ayme chacune
Plus qu'on ne pence sur ma foy
Plus qu'on ne pence sur ma foy
Je vous supply, pardonnez moy,
Et ne mectez en oubliette
Celuy qui la chanson a faicte
A l'ombre d'ung couppeau de moy
A l'ombre d'ung couppeau de moy