J’ay mis mon cueur
chanson 21
J’ay mis mon cueur en ung bien seulement,
Si très avant qu’il ne s’en peult sortir,
Tant plus y pence
Et plus ay de plaisir;
Las, je ne puis,
Las, je ne puis jouir a mon talent.
Las, je ne puis a la belle par1er,
Ne luy conter la grand douleur que j'ay.
Si me faut il vers elle m’en al1er,
Pour s’aquiter de sa part comme moy.
Mais il y a au quartier trop de gent
Qui sur nous deulx ont mis tout leur deduit
A nous guecter tant de jour que de nuit.
Mais nonpourtant je l’ayme loyaulment.
J’ay mis mon cueur en ung bien seulement,
Si très avant qu’il ne s’en peult sortir,
Tant plus y pence
Et plus ay de plaisir;
Las, je ne puis,
Las, je ne puis jouir a mon talent.