Je suis entré en nouvelIe pensée
chanson 23
Ce moys de May, par ung doulx temps nouvel,
Pour une dame que j’ay tant désiree,
La plus belle qui soit sous le soleil.
Be, elle est tant belle, las, il n’est riens autant,
Et si est jeune, las, ce n’est qu’ung enfant.
Je ne luy ose ma pensee descouvrir.
Be,à l’adventure, comme ung loyal amant,
Tres humblement je luy voys requerant,
Qu’elle me veuille au besoing secourir.
"Allez vous en querir votre vollée!
Allez vous en d’icy à vos maisons!
Prenez bientost d’icy soudain partir!"
"Jamais, belle, d’icy ne partiray,
Tant que je sache la vostre vollunté,
Et deussay j’estre devant vous decollé!"
"Vous n’y mourrés pas, pour l’amour de moy:
Mon cueur vous donne, et tout tant que j’ay.
A vous me rends à jamais et toujours."
"Puisqu’ainsy est que m 'estez accordee
Je ne demande richesse ne chastel,
Et si serez de moy la mieulx aymee
Clere fontaine, de beaulté le ruyssel."