En regardant vo gratieux maintien
Chanson 24
En regardant vo gratieux maintien
Et vos beauIx yeux que voir je souloye,
Amours m’ont mis en amoureuse Joye,
Maiz c’est si fort que le cueur n’est plus mien.
Jay bon espoir d’avoir de vous soutien,
Car s’une fovs de vous l’amour j’avoye
J'auroye atainct la plus haulte montjoye,
Que oncques fust et le plus tres hault bien.
Toutes aultres envers vous ne sont rien
A comparer, se mentir ne voulloye.
Quant je vous voy, tout le cueur me resjoye.
Tant me semblez de gratieux maintien.