J'ay advisé ung rosier
Dont la rose est florie
Et en esté comme en yver
Elle est espanye.
C'est un très beau bouton vermeil
Qui est flori nouvellement,
mais les jaloux, dont m'esmerveil
Y font toujours encombrement.
Si luy plaisoit aulcunement
Me faire courtaisie,
je luy prometz, par mon serment,
L'aymer toute ma vye.
J'ay advisé ung rosier
Dont la rose est florie
Et en esté comme en yver
Elle est espanye.
Ce n'estoient ces faulx jalloux,
Qui sont plains de fol parler,
Bon temps auroient vrays amoureux
Et y pourroit on aller
Avec s'amye parler
Dessus l'herbe jollye.
Qui se veult faire valloir
Son sorps mect pour s'amye.
J'ay advisé ung rosier
Dont la rose est florie
Et en esté comme en yver
Elle est espanye.