HelIas, il est pic de ma vie
Chanson 39
HelIas, il est pic de ma vie
Et hye!
Mesnage a prins sur moi rigueur!
A Dieu comand joye et badour
Esbatement et chanterie,
Et Hye.
Je my soullois aller esbattre
Et hye !
Avecques ces gentils gallans.
Mais maintenant suis à mon atre
A nourrir mes petitz enfans.
Et hye
Dont l’ung sy bret, et l’aultre crie,
Et hye!
L’aultre m’appelle son seigneur;
Le petit bret, et nuit et jour
Je n’ay bone heure ne demye.
Et hye!
Le grant demande une cotelle.
Et bye!
Et la fillette ung chapperon.
Ma fame sy bret et crestelle.
Et Nostre Dame! que feron?
Et bye.!
Be, tesiés vous, taisiés, mamye!
Et bye!
Nous depriron nostre Seignour,
Qu’il nous donne du pain au four,
Sy nourriron nostre mesgnye.
Et bye!