Royne des fleurs que je désire tant!
chanson 4
Royne des fleurs que je désire tant!
Quand je vous voys mon coeur vole de joye
Las, dictes moy se vostre amour est moye.
Dictes le moy, gentil corps avenant
Delicieux gentil fleur de gayté,
La plus belle qui oncques fust en vye
Vous en avez mon cueur a vous porté:
Gardez le bien, ma seur, je vous prye.
Royne des fleurs...
Ces faulx jalloux, hellas! je les hais tant!
A nulle fin voir je ne le pourroye.
Ces mesdisans sont tousjours en la voye.
Vostre seray le temps de mon vivant.
Royne des fleurs...