Helas, Ollivier Vasselin
chanson 40
Helas, Ollivier Vasselin
N'orron point de vos nouvelles?
Vous ont les Englois mys à fyn?
Vous souliés gayement chanter
Et demener joyeuse vye
Et les bons compaygnons hauter,
Par le pays de Normendie.
Jusqu'à Sainct Lo en Cotentin,
En une compaygnye moult belle.
Oncques ne vy tel pellerin.
Les Englois ont faict desraison
Aux compaygnons du Vau de Vire,
Vous n'orrez plus dire chanson
A ceulx qui les soulloient bien dire,
Nous prion Dieu de bon cueur fin
Et la doulce Vierge Marie,
Qu'il doint aux Englois male fin!
Dieu le père si les mauldye.
Helas, Ollivier Vasselin
N'orron point de vos nouvelles?
Vous ont les Englois mys à fyn?