Triste plaisir
chanson 73
Triste plaisir et douloureuse joye,
Après doulceur, reconfort anuyeux,
Ris en plorant, souvenir oublieux
M'acompaignent,
Combien que seul je soye.
Se j’ay soulas, d’aultre part je lermoye;
J’ay bon support, maiz danger d’envyeux.
Triste plaisir et douloureuse joye,
Apres doulceur, reconfort anuyeux.
Je suis hermé de mensonge et de soye.
L’ung me trahit; l'aultre m’est cauteleux.
D’estranges tours l’on joue en plusieurs lieux.
Pompeux je suis, mais l’on deffend la soye.
Triste plaisir et douloureuse joye
Apres doulceur, reconfort anuyeux,
Ris en plorant, souvenir oublieux
M’accompaignent, combien que seul je soye.