Jamais amoureux bien n aira.
chanson 94
Jamais amoureux bien n aira.
Je m’estois en ung buisson mys
Où la belle me comman-da.
Vous orrez comment il m’en print.
Une pie vint a gacher
Et des corneilles plus d'ung cent,
Comme s’ils me deussent manger.
Onques ne fus en tel torment.
Le cerf du bois y arriva
Qui s’escria ung cri si hault,
Et s’escria: "ha ha ha ha!
Le regnard est à nos poussins!
Le regnard est à nos poussins!"
Une pie si vint sur moy,
Qui ne me cessoit d’agacher,
Et d’aultre part y vint ung gay:
Sembloit qu’ils me deussent menger.
Les chiens du jalloux furent la
Qui resveillerent nos voisins.
Chacun crioit: " Ha ha, ha ha!
Le regnard est à nos poussins!
Le regnard est à nos poussins!"
Je retournay sus le coquart
Et lui dis: "Que querés, Jouen?"
"Ha Dieu, sire, c’est le regnard
Qui ne nous laissa tout ouen."
"Vous dictes vray, il s’en va la.
Courez après: il sera prins. "
Jouen me crust et y alla.
O sa fame je m’en revins.