Celum non animum mutat stabilitas
 firmans id optimum quod mentis firmitas
 prebet cum animi tandem iudicio
nam sic turpissimi voti consilio
 vis scelus inprimi facto nefario
debet hec perimi facta promissio

 Non erat stabilis gradus qui cecidit
pes dus labilis domus que corruit
hinc tu considera quid agi censeas
dum res est libera sic sta ne iaceas
 prius delibera quod factum subeas
ne die postea sero peniteas

 Cepti dimidium habet qui ceperit
ceptum negotium si non omiserit
ne tantum deditus circa principia
verum sollicitus pro finis gloria
 nam rerurn exitus librat industria
subit introitus preceps incuria

 Coronat militem finis non prelium
dat hoc ancipitem metam is bravium
istud quod tribuit dictat stabilitas
 istud quod metuit inducit levitas
dum formam annuit mentis integritas
 quam dari respuit vana nobilitas

 Mutat cum protheo figuram levitas
 assumat ideo formas sui cognitas vultum
constantia conservans intimum
alpha principia et o novissimum
flectens fit media dat finem optimum
mutans in varia celum non animum