Bache bene venies gratus et optatus
per quem noster animus fit letificatus
Refrain
Istud vinum bonum vinum
vinum generosum
reddit virum curialem
probum animosum
Iste cyphus concavus de bono mero profluus
siquis bibit sepius satur fit et ebrius
Refrain
Hec sunt vasa regia quibus spoliatur
ierusalem et regalis babilon ditatur
Refrain
Ex hoc cypho conscii bibent sui domini
bibent sui socii bibent et amici
Refrain
Bachus forte superans pectora virorum
in amorem concitat animos eorum
Refrain
Bachus sepe visitans mulierum genus
facit eas subditas tibi o tu venus
Refrain
Bachus venas penetrans calido liquore
facit eas igneas veneris ardore
Refrain
Bachus lenis leniens curas et dolores
confert iocum gaudia risus et amores
Refrain
Bachus mentem femme solet hic lenire
cogit eam citius viro consentire
Refrain
Aqua prorsus coitum nequit impetrare
bachus illam facile solet expugnare
Refrain
Bachus numen faciens hominem iocundum
reddit eum pariter doctum et facundum
Refrain
Bache deus inclite omnes hic astantes
leti sumus munera tua prelibantes
Refrain
Omnes tibi canimus maxima preconia
te laudantes merito tempora per omnia
Refrain
RETOUR |