Se je souspire
Se je souspire, plains et pleure,
Cent mille fois plus que ne di,
C'est pour l'amour de mon amy
Per qui seulete je demeure.
Je ne cuidasse veoir l'eure
Qu'autre devist amer que luy.
Se je souspire, plains et pleure
Cent mille fois plus que ne dy.
Pleust a Dieu que fuisse asseure
De parler une fois a luy,
A savoir se j'ay deservi.
Qu'a ce besoing ne me sequeure.
Se je souspire, plains et pleure,
Cent mille fois plus que ne di,
C'est pour l'amour de mon amy
Per qui seulete je demeure.