DUEIL ANGOISSEUS
Se cueur d'amant par soy humilier,
Peut desrevir merchy quant à mespris.
Il m'est avis que ma dame de pris
Me debveroit de mes maulx deslier
E nure ne fais force melencolie,
Mais nonporquant ne doy estre repris:
Se cueur d'amant par soy humilier,
Peut desrevir merchy quant à mespris.
Car les plus grans voit on bien folier
Aucune fois et tous les mieux apris,
Donc puisque n'ay este que ung peu soupris,
Je puis trop mieulx dire sans devier:
Se cueur d'amant par soy humilier,
Peut desrevir merchy quant à mespris.
Belle bonne sage plaisante et gente,
A ce jour cy que l'an se renouvelle
Vous fait le don d'une chanson nouvelle
Dedans mon coeur qui a vous se présente.
De recevoir ce don ne soyes lente,
Je vous suppli, ma douce demoiselle
Belle bonne sage plaisante et gente,
A ce jour cy que l'an se renouvelle
Car tant vous aim qu'ailleurs n'ay mon entente,
Et sy scay que vous estes seule celle
Qui fame aves que chascun vous appelle:
Flour de beauté sur toutes excellente.
Amans ames secretement
Si longuement voles amer
Receves cest ensaigne
Amans ames secretement
Car quiconques fait autrement
D'amour il fait le doulx amer.