Franc cueur gentil
Franc cueur gentil, sur toute gracieuse
Riche d'honneur et de tous biens garnye.
A vous me rens, a vous du tout me lye.
N'autre jamais ne quier pour amoureuse.
Ce jour de l'an voudray joye mener
Chanter, danser et mener chiere lie.
Pour maintenir la coustume jolye
Que tous amans sont tenus de garder.
Et pour certain tant me voudray poier
Que je puisse choisir nouvelle amye
Ce jour de l'an voudray joye mener
Chanter, danser et mener chiere lie.
A laquelle je puyisse presenter
Cuer, corps, et biens sans faire departie.
Hé dieus d'amours, soyes de ma partie
Que fortune se ne me puist grever.
Ce jour de l'an voudray joye mener
Chanter, danser et mener chiere lie.