VA -T-ENT SOUSPIER
Va-t-ent souspier, je t'en supplie
Vers ma dame hastivement,
Et de par moy tres doulchement
Fayli savoir ma maladie.
Di lui que j'en ay nulle envie
D'aultre choisir certainement:
Va-t-ent souspier, je t'en supplie
Vers ma dame hastivement,
Je me sohai de une nucie
Aveuc elle tan seulement;
Sy me donroit aligement
De tous mes maulx je le t'affye.
Va-t-ent souspier, je t'en supplie
Vers ma dame hastivement.
Je vous pri que j'aye un baysier
de vo, belle bouche vermeille;
saray joye non pareille
de che biel jour de may primier.