Owe dirre sumerzit,
Owe bluomen unde kle,
Owe maneger wünne,
der wir ane müezen sin!
Unser freuden widerstrit
Bringet rifen unde sne:
Daz hat allez roten rosen ungelichen schin;
Alse ist ungelich
Min und Amelunges swaere.
Mines ungelingen vreut er sich und Uodelrich:
Der ist mines schaden zallen ziten vlizic und gevaere,
Er und Eberolt, ein ungestuemer wüeterich!
Der may hat menig hercze hort erstaigett
Sparch ein maid, er hatt es wohl erczaiget.
Was sein susser wunne thut,
Wann er klaidet swarczen dorn in weisse plut.
Alles das winter hett beczwungen
Das wil der may nu jungen.
Winder wie ist nu dein kraft
Worden gar unsigehaft
Seyt der maye seinen schafft
Auff dir hat zustrochen.
Vor den walden auff der plan
Sieht man volkumenlichen stan
Liechte plumblein wolgetan
Der han ich gesprochen.
Gar besunder durch ein wunder solches kunder ich vernahm,
Man und frawen ir sult schawen in den awen one scham,
Wie des liechten mayen schar
Stet beclait in purpur far.
Jungen maidt das nehmet war, bleibet unversprochen.