I
On parole debatre et de vanner
Et de foïr et de hanner,
Mais ces desduis trop me desplaisent,
Car il n'est si bonne vie
Que d'estre à aise
De bon cler vin et de chapon,
Et d'estre aveuc bons compaignons,
Liés et joians,
Chantans, truffans et amorous,
Et d'avoir, quant c'on a mestier,
Pour solacier,
Beles dames a devis:
Et tout ce truev'on a Paris.
 

II
A Paris soir et matin
Truev'on bon pain et bon cler vin,
Bonne char et bon poisson,
De toutes guises compaignons,
Sens soutie, grant baudour,
Biaus joiaus dames d'ounour,
Et si truev'on bien entre deus
De menre feur pour homes desiteus.

III
Frese nouvelle!
Muere france, muere muere france!