teneur: OMNES
 

A vos, douce debonaire,
Restors de toute ma vie,
Me complaing de mes dolours,
Et di que ne sai que fere
Se je n'ai la vostre aie.
Aï mi! bele douce amie,
Qui j'aim de loial amour,
Pour diu! prengne voz envie
De conforter vostre ami!
Si feres comme loiale
Et seront li mal meri
Que j'ai pour vos, damoisele,
Qu'autrement m'aves trai;
Si di:
"Aïmi! Aïmi! Marotele,
vos traiés l'ame de mi!"