teneur: FORTARE

I
Je cuidoie jus bien metre le dous metier d'amour,
Mais je me sentoie plus
Que devant soupris doucement
D'une amour nouvelle.
De la gracieuseté
Qui a a non douceté
A son droit non
Elle est si tres douce voirement
Que je cuide bien certainement
Que Dieus et nature i apelerent amour
A fourmer si faite creature;
Car en li ne faut riens qu'ele ne soit amoureuseté parfaitement.
Ele est brunete, sadete, cointe, jonette, grailete, savouresete
Et plus que nulle autre joliete;
A la boucete en dous ris vermeillette,
Plaisanment; simplete en sa manierete
Est, et de bele contenement
Son dous cler viaire monstre qu'ele est debonaire:
Ce me fait en grant joie esperer de li merci prochainement.
Si l'aim si bien, Dous Dieus! que j'i pring
Bel ocoison de dire: Se j'ai ame trop folement autre que li, je m'en repent.
S'en graci de cueur bone amour
Que aspres dolour, par ma folour,
Grant douchour me rent.

II

Se j'ai follement amé,
Et moi moult grevé
Sans allegement
Ce set mon cuer qui le sent;
Cierement l'ai compare.
Mais or sui bien a mon gré
D'amours assené,
Qui tous biens rent,
Et pour ce, d'amer si tres folement,
Je m'en repent.

III

SOLEM