Oêz por quoi plaing et sopir,
Seignor, n’en fais pas a blasmer.
Touzjors m’estuet ma mort servir
Amors! n’en puis mon cuer oster;
Mais honor ai d’ensinc morir,
Si en vuil bien les maus souffrir
Tant qu’a plus en puisse monter.
S’Amors me fait ses maus sentir,
Il ne m’en doit mie peser,
Qu’autres nou puet mais soustenir
Une hore sanz soi reposer,
Mais je suis amis sanz mentir.
Ja Deus ne m’en lait repentir,
Car en amant vuil bien finer.
Amors, tele hore fujadis
Qu’estre me laissïez en pes;
Mair or sui je verais amis,
N’autre riens ne m’agree mes.
Serai je donc de vos ocis?
Nenil! Trop avrïez mespris,
Quantje tout por vos servir les.
Cuers, qu’en puis mes se sui pensis,
Quant tu m’as chargié si grief fes?
« Ha! cors, de neant t’esbahis:
Ja n’ama onques hom mauvais.
Ser tant que tu aies conquis
Ce que plus desirres toz dis.»
Voire, cuers, mes la morz m’est pres.
Gui de Pontiaus, en fort prison
Nos a mis Amors, sanz confort
Vers celes qui sanz achoison
Nos ocirront. Dont n’est ce tort?
Oïl, car léaument amon;
Ja ne nos en repentiron:
Bon amer fait jusqu’a la mort.
Gaçot define sa chançon.
Ha! fins Pyramus, que feron?
Vers Amors ne somes jor fort.
Li consirrers de mon païs
Si longuement me trait a mort,
Qu’en estranges terres languis,
Las, sanz deduit et sanz confort;
Et si dout mout mes anemis
Qui de moi mesdïent a tort,
Maiz tant sent mon cuer vrai et fort
Que, se Dieu plaist, ne m’en iert pis.
Ma douce dame, ne creez
Touz ceus qui de moi mesdiront.
Quant vous veoir ne me poez
De vos biauz ieus qui soupris m’ont,
De vostre franc cuer me veez;
Maiz ne sai s’il vous en semont,
Quar tant ne dout rienz en cest mont
Comme ce que vous m’oubliez.
Par cuer legier de feme avient
Que h amant doutent souvent,
Maiz ma loiautez me soustient,
Dont fusse je mors autrement.
Et sachiez, de fine amour vient
Qu’il se doutent si durement,
Car nus n’aime seùrement
Et tàinte est amours qui ne crient.
Mes cuers m’a guari et destruit,
Maiz de ce va bien qu’a li pens,
Et ce que je perdre la quit
Me fait doubler mes pensemens.
Ensi me vient soulaz et fuit
Et non pourquant, selonc mon sens,
Penser a ma dame touz tens
Tieng je, ce sachiez, a deduit.
Chançon, a ma dame t’envoi
Ançoiz que nus en ait chanté,
Et si li dites de par moi
(Guardez que ne hi soit celé)
Se trecherie n’a en foi
Et trahison en loiauté,
Donc avrai bien ce qu’avoir doi,
Quar de loial cuer ai amé.