Amors, qui m'a en baillie,
veut qu'envoissiee soie;
Je ferai chançon
jolie, puis qu'el l'otroie.
Puis que ma dame a mon
cuer, drois est qu'a li soie;
S'el ne me veut recevoir,
james n'avrai joie.
Bien est fous qui contre
amor par force maistroie:
Amors n'ont point de
seignor, je le vos otroie.
Amor n'ont point de seignor,
dire le porroie,
Car il n'est ne rois
ne cuens qu'ele ne mestroie.
Puis qu'ele a un hom
çaint desoz sa corroie,
Il ne s'en puet pas desfendre
n'aler austre voie.
D'amors ne me quier partir,
ne fere nl doie,
Por tout l'avoir de cest
mont; ainz vueil que siens soie.
Siens sui et serai touz
dis, que que nus en die,
Mais je suis aussi con
cil, voir, qui ne vit mie.
Muis que ma dame a m'amor
touteb en sa baillie,
Ele m'aprent et enseigne
toute cortoisie.
As vilains dont Dieus
mal jor et grant vilainie,
Qui mesdïent d'amans,il
font grant folie.
Grant folie font il, voir,
je le vos affie;
Ceus qui mesdient d'amans,
Jhesus les maudie,
Car il l'ont bien deservi
par lor tricherie.
Deus aime les vrais amans
et het vilainie;
As vilains dont Deus
mau jor et mal nuitie
et leur doint grant mescheance,
qu'il l'ont deservie.
Deservie l'ont il, voir,
que nus ne les aime;
Il n'est clerc ne chevalier
nus qui ne s'en plaigne.
Ne finent ne nuit ne
jor, n'oncques ne se faignent
De nuire les fins amans,
et leur font grant paine;
Pour ce doit l'en bien
garder la chose qu'en aime.
Ce dit jaque de Dosti,
qui par amors aime.