Mui gran poder á a Madre de Deus
de deffender e ampara-los seus.
 
Gran poder á, ca sseu Fillo llo deu,
en deffender quen se chamar por seu;
e dest' un miragre vos direi eu
que ela fez grande nos dias meus.

Mui gran poder á a Madre de Deus...
 
En Armenteira foi un lavrador,
que un cavaleiro, por desamor
mui grande que avi' a seu sennor,
foi polo matar, per nome Mateus.

Mui gran poder á a Madre de Deus...
 
E u o viu seu millo debullar
na eira, mandou-lle lançadas dar;
mas el começou a Madr' a chamar
do que na cruz mataron os judeus.

Mui gran poder á a Madre de Deus...
 
Duas lançadas lle deu un peon,
mas non ll' entraron; e escantaçon
cuidou que era o coteif', enton
mais bravo foi que Judas Macabeus.

Mui gran poder á a Madre de Deus...
 
Enton a ssa azca lle lançou
e feriu-o, pero nono chagou;
ca el a Santa Maria chamou:
«Sennor, val-me como vales os teus,

Mui gran poder á a Madre de Deus...
 
E non moira, ca non mereci mal.»
Eles, pois viron o miragr' atal
que fez a Reynna esperital,
creveron ben, ca ant' eran encreus.

Mui gran poder á a Madre de Deus...
 
E fillaron-sse log' a repentir
e ao lavrador perdon pedir,
e deron-ll' algu'; e el punnou de ss' ir
a Rocamador con outros romeus.

Mui gran poder á a Madre de Deus...