Como Santa Maria guareceu o moço pegureiro que levaron a seixon e lle fez saber o testamento das escrituras, macar nunca leera.
 
 

Como pod' a Groriosa  mui ben enfermos sãar,
assi aos que non saben  pode todo saber dar.

E de tal ja end' avo  un miragre que dizer
vos quer' ora, que a Virgen  quis grand' en Seixon fazer,
dun meno pegureiro,  a que os pees arder
começaron daquel fogo  que salvaj' ouço chamar.

Como pod' a Groriosa  mui ben enfermos sãar...

Seu padre del era morto;  mas ha pobre moller
sa madr' era que fiava  a lãa mui volonter,
per que ss' ambos governavan;  mas quen m'ascoitar quiser,
direi-ll' eu de com' a Virgen  quis no meno mostrar.

Como pod' a Groriosa  mui ben enfermos sãar...

Aquel fog' ao mininno tan feramente coitou
que a per poucas dos pees  os dedos non lle queimou;
e a madre mui coitada  pera Seixon o levou
e chorando mui de rrijo, o pos ben ant' o altar.

Como pod' a Groriosa  mui ben enfermos sãar...

Tod' essa noite vigia  tev'; e logo guareceu
o meno en tal guisa  que andou ben e correu,
des i foi-sse con ssa madre;  mas atal amor colleu
daquel logar ti sãara,  que sse quis log' y tornar.

Como pod' a Groriosa | mui ben enfermos sãar...

Depois a cabo dun ano  lle rogou que o ali
tornass', e non quis la madre;  e ele lle diss' assi:
«Se non quiserdes, o fogo  sei eu que verná a mi
e que vos pes m'averedes  eno col' a soportar.»

Como pod' a Groriosa  mui ben enfermos sãar...

Dizend' aquest' o meno,  o fog' en el salto deu,
e travou log' en sa madre,  dizendo: «Ay eu, ay eu!»
E ela o en seu colo  fillou, com' aprendi eu,
e a Seixon de caminn| começou toste d' andar.

Como pod' a Groriosa  mui ben enfermos sãar...

E pois entrou na eigreja,  ant' o altar sen falir
e pos; e log' o meninno se fillou ben a dormir,
e viu en vijon a Madre de Deus, que o foi guarir,
e seu fillo Jeso-Cristo, a que ela presentar

Como pod' a Groriosa | mui ben enfermos sãar...

A alma en Parayso  foi dele. E alá vyu
que a Virgen a seu Fillo  mercee por el pediu
e por todo-los da terra  de Seixon, e ben sentiu
que por seu rogo do fogo  os quis Deus todos livrar.

Como pod' a Groriosa  mui ben enfermos sãar...

E oyu mais que a Virgen diss' a Deus esta razon:
«Fillo, esta mia capela que é tan pobr' en Seixon,
fas tu que seja ben feita.»  E el lle respos enton:
«Madr', eu farei y as gentes  vir ben dalend' o mar

Como pod' a Groriosa  mui ben enfermos sãar...

E de muitas outras terras,  que darán aver assaz,
ca todo quanto demandas  e queres, todo me praz;
e que eu faça teu rogo,  aquest' en dereito jaz,
ca fillo por bõa madre  fazer dev' o que mandar.»

Como pod' a Groriosa  mui ben enfermos sãar...

Quand' esto viu o meno  no Ceo, foi-lli tal ben
que quant' al depois viia  sol nono preçava ren;
ca o Espirito Santo  pos en el atan gran sen
que as Escrituras soube,  e latin mui ben falar.

Como pod' a Groriosa  mui ben enfermos sãar...

E quanto no Testamento  Vedro e no Novo sé
escrito muy ben sabia,  e mui mais, per bõa fe;
e dizia aas gentes:  «De Santa Maria é
prazer que esta igreja  façades mui ben obrar.

Como pod' a Groriosa mui ben enfermos sãar...

E por que certos sejades  que tod' est' e mui mais sei,
mostrade-mi as Escrituras,  ca eu as espranarey;
demais, d' oj' a trinta dias  sabiades que morrerey,
ca a que me mostrou esto me quer consigo levar.»

Como pod' a Groriosa  mui ben enfermos sãar...

Todos quantos est' oyron | deron graças e loor
aa Virgen groriosa,  Madre de Nostro Sennor;
e acharon en verdade  quanto diss' aquel pastor,
e começaron tan toste  na eigreja de lavrar.